LinkBack URL
About LinkBacks
اؤزگور
اينسان اولان اؤزلوگونو دانارمي؟
اؤزگه ديلي اؤز ديلينه جالارمي؟
قنيملرين حوققاسينا قانارمي ؟
اؤز باشيني اؤزگه داشا چالارمي؟
مرد او دو کي يالان سؤزه قانمييا
يانديرديغي اودا اؤزگه يانميا
سؤزدانيشيب دانيشديغين دانمييا
اَر دوغولان توپوردوغون يالارمي؟
ايگيد اودور اَيري دوزو قاتمييا
ظولمو گوروب گؤزون يوموب ياتمييا
گئتسه باشي ويجدانيني ساتميا
اَردوغولان اؤزون اوزدن سالارمي؟
گر ايگيدين گؤکسونه ميناوخ دولا
ساواش گؤرسه دونمز آيري بير يولا
او تولکودور گونده دالار بير کولا
اَسلان اولان دالدالارا دالارمي؟ .
بيزيم ائلده ايگيد امک ايتيرمز
ائل ياراسين ياد علاجي بيتيرمز
ائل تانييان ائله ضرر يئتيرمز
ائلدار اولان ائل اوباسين تالارمي؟ .
بيزيم ائله شرف گرهک شان گرهک
اَر اوغلانا دامار گرهک قان گرهک
ائل يولوندا ساواش گرَک جان گرَک
ائلين ساتان بايراقاَله الارمي؟
سانکي دونيا بير اؤته جک نفسدير
ياخشي آددان باشقا نه وار هوسدير
دونيا بوتون آلتين اولسا قفسدير
اؤزگور اولان قفسلرده قالارمي؟
| Sabit Konular>>saytı yaxşı görmək üçün firefoxdan istifadə edin |
Reply With Quote