LinkBack URL
About LinkBacksبو تاپیک ده آذربایجانین گوزللیقینا و قهرمانلیقلارینا گؤره دییلن شعرلری یازین
| Sabit Konular>>saytı yaxşı görmək üçün firefoxdan istifadə edin |
| Sabit Konular>>saytı yaxşı görmək üçün firefoxdan istifadə edin |
آذربایجان حاققیندا گوزل شعرلر یالنیز بو تاپیک ده
بو تاپیک ده آذربایجانین گوزللیقینا و قهرمانلیقلارینا گؤره دییلن شعرلری یازین
sensizolmaz (Sunday 29 June 2008-1), tabriz (Sunday 1 February 2009-1), yurd sevan (Thursday 12 June 2008-1)
سئويرم يوردومون باهارين يازين
گؤلونده نازلانان اؤردهيين قازين
عاشيغين الينده صدفلی سازين
ای عاشيق گل اوخو؛اوره ييم جانيم
يئويرم من سنی آذربايجانيم
**************************
داغلارين دؤشونده قاسناسان سولار
سوزولر گولاب تک چوخورا دولار
گوللشر گوموش تک بير آينا اولار
ای روحوم روانيم گؤزل جئيرانيم
سئويملی وطنيم؛ آذربايجانيم
**************************
چن-دومان ائيله يیپ باشيزدا مکان
گئجه نين اولدوزون آيينی توتان
توفانلار وئرنمز سيزلره تيکان
ای منيم داغلاريم؛ ويقاريم ؛ جانيم
گؤزللر گؤزلی آذربايجانيم
*************************
گوموشدن ساچ هورر اوجا داغلارين
يام ياشيل دون گئيير گوللو باغلارين
آل-الوان اوفوقلو آخشام چاغلارين
ای گؤزل وطنيم؛گؤزل ترلانيم
گؤزلليک مسکنی آذربايجانيم
*************************
واله ام بو جسور قهرمان ائله
عاشيغام بو شيرين بال کيمی ديله
دوشمنی يانديرار دؤنده رر کوله
ای آنا ديارين ؛ عشقيم ايمانيم
اولوبسان ويقاريم آذربايجانيم
Last edited by duzlu oğlan; Wednesday 18 June 2008-1 at 08:02 PM.
azarbayjan (Thursday 12 June 2008-1), gelecek bizimdir (Thursday 12 June 2008-1), sensizolmaz (Sunday 29 June 2008-1), yurd sevan (Thursday 12 June 2008-1)
چوخ كئچميشه م بو داغلاردان
دورنا گوزلي بولاقلاردان
ائشيتميشه م اوزاقلاردان
ساكت آخان آرازلاري
سيناميشام دوستي ياري
ائل بيلير كي سن منيم سن
يوردوم يووام مسكنيم سن
دئمه ك دوغما وطنيم سن
آيريلارمي كونول جاندان
آذربايجان، آذربايجان
من بير اوشاق، سن بير آنا
اودور كي باغلي يام سانا
هانكي سمته، هانكي يانا
هي اوچسامدا يووام سن سن
ائليم، گونوم، اوبام سن سن
فقط سندن گن دوشنده
آيريليق مندن دوشنده
ساچلاريما دن دوشنده
بوغاز آيلار، ايللر مني
قيناماسين ائللر مني
داغلارينين باشي قاردير
آغ اورپه گين بولوتلاردير
بويوك بير كئچميشين واردير
بيلينمه يير ياشين سنين
نه لر چكميش باشين سنين
دوشدون اوغورسوز ديللره
نحس آيلارا، نحس ايللره
نسللردن نسللره
كئچن بير شهرتين واردير
اوغلون قيزين بختياردير
هي باخيرام بو دوزلره
آلا گوزلي گوندوزلره
قارا خاللي آغ اوزلره
كونول ايستر شعر يازا
گنجله شيرم يازا يازا
بير طرفين بحر خزر
ياشيل باش سونالار گزر
خياليم دولانار، گزر
گاه موغاني، گاه ايلداري
منزل اوزاق، عمريم ياري
سيرا داغلار گن دره لر
اوره ك آچان منظره لر
جيران قاچار، جويور مه لر
نه چوخدور اويلاغين سنين
آرانين، يايلاغين سنين
كئچ بو داغدان بو آراندان
آستارادان لنكراندان
آفريقادان هندوستاندان
قوناق گلير بيزه قوشلار
ظلم اليندن قورتولموشلار
بو يئرلرده ليمون ساري
اگير، سالير بو داقلاري
داغلارينتين دوم آغ قاري
يارانميشدير قارلي قيشدان
بير سنگردير يارانيشدان
لنكرانين گولي رنگ رنگ
يوردوموزون قيزلاري تك
دمله چايي، توك وئر گورك
آنامين دلبر گليني
يادلارا آچما اليني
ساري سنبل بيزيم چورك
پامبيغيميز چيچك- چيچك
هر اوزومدن بير شيره چك
سحر- سحر آج قارينا
قوت اولسون قوللارينا
مين قازاخدا كوهلن آتا
يالمانينا ياتا- ياتا
آت قان تره باتا- باتا
گوي يايلاقلار بئلينه قالخ
كپه ز داغدان گوي گوله باخ
اي آزاد گون، آزاد انسان
دويونجا ايچ بو بهاردان
بيزيم خاللي خالچالاردان
سر چنار كولگه سينه
آلقيش گونش اولكه سينه
كونلوم گئچير قارا باغدان
گاه بو داغدان گاه او داغدان
أخشام اوستي قوي اوزاقدان
هاوالانسين خانين سسي
قاراباغين شكسته سي
گوزل وطن معنان درين
بئشيگيسن گوزللرين
عاشق دييه ر، سرين- سرين
سن گونشين قوجاغيسان
شعر، صنعت اوجاقيسان
اولمز كونول ، اولمز اثر
نظامي لر، فضولي لر
الين قلم، سينه ن دفتر
دئه، گلسين هرنه يين واردير
دئييلن سوز يادگاردير
بير دون بيزيم باكي يه باخ
ساحيللري چيراغ- چيراغ
بوروقلارين هايقيراراق
نعره چالير بوز چوللره
ايشيقلانير هر داغ دره
نازلاديقجا سرين كولك
ساخللره سينه گرك
بيزيم باكي، بيزيم اوره ك
ايشيقدادير قوت سوزي
سحرلرين اولكر گوزي
گوزل وطن او گون كي سن
آل بايراقلي بير سحردن
الهام آلدين، يارانديم من
گولور توپراغ، گولور انسان
قوجا شرقين قاپو سو سان
نغمه لريم سرين – سرين
عاشقي يم بو گونلرين
آتاميز شانلي رهبرين
گنجليگي سويله نير بوردا
حيات وئرميش بيزيم يوردا
دينله مني، گوزل وطن
بير سوز گلير اورگيمدن
خلقيميزين عشقيله سن
گوله جكسن هر بير زمان
آذربايجان، آذربايجان
یازان: صمد وورغون
Last edited by duzlu oğlan; Wednesday 18 June 2008-1 at 07:32 PM.
gelecek bizimdir (Thursday 3 July 2008-1), sensizolmaz (Sunday 29 June 2008-1), yurd sevan (Tuesday 1 July 2008-1)
آنا یوردوم آذربایجان
بیر اوشاغام، آنام سن سن
خسته اولسام، داوام سن سن
آغاج اولسام،هاوام سن سن
اورک ائویم سنسیز تالان
آنا یوردوم، آذربایجان
جئیران اولسام ، سن داغیمسان
بولبول اولسام،سن باغیمسان
سونبول اولسام،تورپاغیمسان
سرین سولار،سند ن آخان
آنا یوردوم آذربایجان
آغ بولوتلار، یور قانیندی
مرد اوغوللار قوربانیندی
یول گورسدن ، قورآنیندی
دوشمن لری ، درده سالان
آنا یوردوم آذربایجان
من آرازام ، سن خزرسن
آغیزلاردا، چوخ گزرسن
هر آفت دن ، بر حذر سن
قار-یاغیشلار ، سنه یاغان
آنا یوردوم ، آذربایجان
قول-قانادیم ، هوسیم سن
یورولمایان ، نفسیم سن
من اوره یم ، قفسیم سن
منه دایاق ، کومک دوران
آنا یوردوم ، آذربایجان
من قوش اولسام ، سن پریم سن
زرگر اولسام ، سن زریم سن
عاشیق اولسام ، دیل بریم سن
عاشیق لری ، سای سیز اولان
آنا یوردوم ، آذربایجان
گوزَللرین ، گوزَلی سن
داد لی-دوزلو مزه لی سن
شاعیرین شعر ، غزلی سن
آدین سنین ، دیلده قالان
آنا یوردوم ، آذربایجان
آنا یوردوم ، آذربایجان
gelecek bizimdir (Thursday 19 June 2008-1), sensizolmaz (Sunday 29 June 2008-1), yurd sevan (Tuesday 1 July 2008-1)
azərbaycan Sənsən Mənim ülviyətim şan şöhrətim
adin Mənim öz Adimdi Sənsiz Mənim Nə Qiymətim
azərbaycan Azərbaycan Yaşa Yaşa Azərbaycan
Azerbaycan_Qizi (Thursday 1 October 2009-1), gelecek bizimdir (Thursday 3 July 2008-1), yurd sevan (Tuesday 1 July 2008-1)
آنا تک ، جاندان عزيزدير “آنا ديل”
بيز واريق ، وارسا وطن ، وار ايسه دوْغما ديليميز
اؤيرهنيب بيلمهليدير اؤز ديليني ائللريميز
آنا تک ، جاندان عزيزدير آنا توْپراق ، “آنا ديل”
حؤرمتين ساخلا ياشارکن ، آنالار قدريني بيل
وطنين کيمليگيدير ، وارليغينين داش تَمَلي
کيمليگين بايراغيدير هر بالانين دوْغما ديلي
“آنا ديل”دير بَزهيَن دويغولارين اوْيلاغيني
سوسلهين آرزيلاري ، سئوگي ـ سئوينجين باغيني
بولبول اؤز “دوْغما ديلي” ايله گوله سؤيلر سؤزونو
هر گول اؤز رايحهسي ايله تانيدار اؤز اؤزونو
“آنا ديل”دير داشيان لايلالارين جان داديني
“آنا ديل”دير ياشادان اؤولادينين اؤز آديني
آنا ديلدير ائلينين تاريخي ، آيدين تانيغي
يوردونون ، اؤلکهسينين آيناسي ، سؤنمز چيراغي
“آنا ديل”ده آنانين سئوگيسي ، عطري ، دادي وار
“آنا ديل”ده وطنين شانلي شرفلي دادي وار
gelecek bizimdir (Tuesday 2 September 2008-1), yurd sevan (Wednesday 29 October 2008-1)
آذزبایجان
آزربايجان
آزربايجان گؤزلريمدن آخان ياش
آزربايجان ظلم اليله سينان داش
آزربايجان غمله دوغما آرخاداش
آزربايجان گؤيدن انميش پارچا داش
آزربايجان اوزوگومده اينجه قاش
بيلميرم کي نه دانيشيم نه يازيم
کدرليدير سازيم، سؤزوم آوازيم
قيشدان کئچير چوخدا آغير بو يازيم
دوست ائدني دوشمن ائدمير منه، باخ
ائله دوست وار دوشمندن ده چوخ آلچاخ
اينتيظارين آغير دوستو، شلهسي
دوْندو قاردا حقيقتين لهلهسي
گورونمهدي دوشمنلرين تله سي
سيتم اولدو اولوسوما، ائليمه
ايللر بويو خور باخيلدي ديليمه
دده قورقود دوعاسي وار ديليمده
تارلا خاتون وفاسي وار ديليمده
مين سارانين حياسي وار ديليمده
هر کلمهسي بير دونيادي ديليمين
فولکولوري معمادي ديليمين
تاريخيمي يانليش يازدي يازاني
حاققي ساتدي يولون آزدي يازاني
حقيقتي چوخ ـ چوخ آزدي يازاني
يازدي آغي، اوزو قارا، بيلمديک
اغيار دوندو نازلي يارا، بيلمديک
ماتم گونون بايرام سانديق ائله بيز
آنلاماديق اويدوق شيرين ديله بيز
واري ـ يوخو اوجوز وثرديق يئله بيز
نه ديل قالدي، نه ده آغيز، نه دو گؤز
تحريف اولدو، دييشيلدي، دؤندو سوز
الهديلر باشيميزا قارا کول
قول چکديلر گلستانا نئچه يول
زامان بيزي ائتدي يادا مفته قول
خان ايوازيم اويدو حمزه فعلينه
چنلي بئليم دوشدو يادلار الينه
ناشي باغبان وئرمه ينله گؤلونو!
هيجران وورهر خزان کسر يولونو
اوز الينله، باغلاما اوز قولونو
فيتنهچيدير يالانچي دير بو فلک
سانما باهار اؤز اؤزونه گلهجک
ديليم ـ ديليم دوغراديلار بيزلري
کامان کيمي قاتلاديلار ديزلري
ديلي کسيب باغلاديلار گؤزلري
قوجاق ـ قوجاق اوتدوردولار قان بيزه
قويماديلار خوش کئچه بير آن بيزه
تانيماديق نه دوستو نه دوشمني
اودوزدوق چوخ اوجوز معاميلهني
تيکه ـ تيکه الدهن وئرديک وطني
نه دوستدان يارديق نه ياردان بئله
پاي وئرديق دوشمنه دياردان بئله
قورومادي گؤزوموزدن گؤز ياشي
دوشمن اولدو مين حيلهلي، بيز ناشي
ووردو بيرـ بيرينه قارداش قارداشي
هيچ زامان ديل آچيب حاققي دئمهدي
ناحاق يئره بوْغدو اوْ خان صمدي
آخدي سارام خان چوبانيم خبرسيز
داردا قالدي قوچاق نبيم هجرسيز
بير گونومده هيچ اولمادي کدرسيز
قيشيم بوران، يازيم خزان اؤتوشدو
بو دونيادا هيجران پاييما دوشدو
داشي چالدي اؤز باشيما اؤز اليم
يوْلو کسدي مين جينايت مين ظؤلوم
بابام بابک سويولدو ديليم ـ ديليم
بورا سيدير اوْدلاغالي، ياغالي
اؤزوموزق بوْ آل ـ وئرين دالالي
نه ساتيرميش نه آليرميش زامان گؤر
ساتقين اللر ائتدي بيزي تالان گؤر
بو نه ايشدي گونو گوندن يامان ، گؤر
اينديجه دير ياتا بيلمز قالخاجاق
مزاريندان ستارخانيم « ار » ساياق
قاراباغيم آلتدان ـ اوستدن تالاندي
شرفيميز آياغلارا جالاندي
شک ائديرم دئييلنلر يالاندي
قوْچ کوْراوْغلو ، خان جوانشير هني بس ؟
هايدي دئسين دليلره بير نفس!
gelecek bizimdir (Tuesday 2 September 2008-1), yurd sevan (Wednesday 29 October 2008-1)
آزربايجان اؤلکهسي
نه دوماندان قوْرخوم واردي، نه چَندن
نه دَنيزدن، نه دالغادان، نه سندن
سئويلهميشم بو کؤنلومه اوّلدن
بير گون گلن ، بير گون گئدر چيمَندن
آيرليغين باغرين ياريب گلميشم
سودانين غنچاسين دَريب گلميشم
دنيزين، دالغانين، دومانين، چهنين
ظاليم اورکلرين يوروب گلميشم
اوجا داغ باشيندا دومانام، چَنَم
کدَر ايله سوْلان ياشيْل چيمَنم
دوْنوبدور شاختادان اَللريم مَنيم
ائليندن ـ گونوندن آيريلان ، منم
بو دونيادا چوخ چتينليک گؤرموشم
دوْغرولوق يوْلوندا عؤمور سورموشم
شيرين ايستَکلره يئتيشمک ايچين،
مينلر آجي حسرته تئلين هؤرميشم
بولودلار باغلاييب گونَشين گؤزون
چاققاللار دانيْشيْر آسلانلار سؤزون
اورَکلرده قارانليْق يئر سالاندان
خوش گونلر گيزلهدير بيزلردن اوزون
آنا وطنيمين دؤرت ياني داغدي
گـلهجک گـونلري گـؤرونور ، آغدي
«فضولي»نين، «شهريار»ين ، «صابير»ين
اؤزلري گئتسهده، سؤزلري ساغدي
«آزربايجـان» اؤلکـهسينه تـاي اوْلـماز
ياز سوْنا چاتماسا ، داها ياي اوْلماز
اوْيانماساق بيز شيرين يوْخولاردان
غفلَتده ياتاندان بيزه هاي اوْلماز
غوربتده غريبين هاراسي واردي ؟
گؤزونون بير آغي ، قاراسي واردي
آختاريب تاپماسا اؤز ايستهديگين
گؤنلونده چوْخ دردي ، ياراسي واردي
gelecek bizimdir (Tuesday 2 September 2008-1), yurd sevan (Wednesday 29 October 2008-1)
دانيبسان آنا ديلين
من ائللرين ، بوغازدا بوغولموش سؤالييام
من اؤلکهمين شفقده باخان آي هيلالييام
سن بير قارانليغا سيخيليب ، دويغو دويمايان
من ، دان زاماني ، آيدا قوپان گون خيالييام
بير کاسه آشدان اؤترو ، دانيبسان آنا ديلين
مندنده ايستهمه ، کي گليب کاسه يالييام
سن قوردا قويروغون سيخان ايت، من ده بير قوزو
يئتمز سَسيم چوبانا ، سورومدن آرالييام
مندن اگر اؤز ائللريمه سَس يئتيشمهيير
اؤز بختيمين ، اويوندا جيريلميش قاوالييام
چوخدا گؤوَنمه شهريده، قصرين هاوالى دير
من سَس وئرَرسَم ائللره ، سندن هاوالييام
نَه اوز وئريب زمانه ده، کي کيمسه سؤيلهمير
هاردا ائويم ، نَه يئرده ائليم ، يا هارالييام
آديم “باهارلي”، يوردوم آدين ايستهسَن ، “باهار”
“تؤرک ” اوْغلويام، “اوغوز”لارين ايتگين ماحالييام
gelecek bizimdir (Tuesday 2 September 2008-1), yurd sevan (Wednesday 29 October 2008-1)
"سليمان رستم"
باخيب اؤز دؤورمه گوردوم قرنفيل، ياسمن ياندي
قونوب آسوده داملاردا، اوتور هيبتله بايقوشلار
الينده حقي بايراق ائيله ين، دوز يول گئدن ياندي
اوره كده مين ياران واردير، يازيق ميللت، يازيق ميللت
سنه هر لحظه ده اوز جانيني قربان ائدن ياندي
دولوبدور نملي زندانلار، يانير اودلاردا آزادليق
نچون دينميرسن آي قارداش، سوروش بير گور ندن ياندي
دوروبدور باشيم اوستونده، الينده خنجري جلاد
نه گول قالدي نده بولبول، باغ ياندي چمن ياندي
ياديمدان چيخدي بولبول تك، قفسده گوللرين رنگي
غمين، دردين اليندن اود توتوب آخر بدن ياندي
سليمان، غافيل اولما، ياخشي باخ اطرافه، شاعير سن
جنايت آشدي حديندن، هاراي سال كي: وطن ياندي!
او قدر ناله ائتديم كي قيزاردي لاله تك باغريم
yurd sevan (Wednesday 29 October 2008-1)
Bölmədə hüquqlarınız
Reply With Quote