1Likes
LinkBack URL
About LinkBacksبو تاپیک ده گولمه لی تورکی شعرلر یازیلاجاق سیزده اگر بیر یئرده بیر گولملی شعر
گؤردوز حتما بوردا یازین بیزیم ده کئفیمیز سازالسین
| Sabit Konular>>saytı yaxşı görmək üçün firefoxdan istifadə edin |
| Sabit Konular>>saytı yaxşı görmək üçün firefoxdan istifadə edin |
گولملی شعرلر
بو تاپیک ده گولمه لی تورکی شعرلر یازیلاجاق سیزده اگر بیر یئرده بیر گولملی شعر
گؤردوز حتما بوردا یازین بیزیم ده کئفیمیز سازالسین
yurd sevan (Saturday 10 January 2009-1)
صاحاب خانا!
عزیزیم صاحاب خانا!
منــــی گتیردین جانا
پولـــلاریمی آلیبســـان
قالمیشـــــام یانا یانا!
*
منيــــم گوناهيم نه دي
گونوم بوجور قره دي
موجئره اَيري باخسام
اثاثيم کوچــــه ده دي!
*
کئيراکئشـــــم غميم وار
درديم وار ماتميــم وار
پولسوزلوق دنيزينده
بيرغرق اولموش گميم وار
*
بوغازيمي سيخگينان
يوخ ائويمي ييخگينــــان
هر آي دئنن :" کئیراني -
يا آرتير يا چيخگينـــــان!
aflak (Saturday 28 June 2008-1), gelecek bizimdir (Thursday 3 July 2008-1), yurd sevan (Tuesday 24 June 2008-1)
آقا زادا نازلامالاری!
آقازادانین آناسی دئییر:
بالام نـــان آلیم قادا
بــــاخ اوندا گوزل آدا
اونـــا جماعت ایندی
دئییرلـــر :آقـــــا زادا!
بالامین پاترولــــی وار
بیر بدن یوز قولی وار!
اقتصاد صحنه سین ده
گوزه گلیم رولی وار!
بالام دا وار ایکی قول
بیری ساغ دی بیری سول!
رانتین برکتین نن
کئفی ساز روزی سی بول!
آقا زادام نـــــازدی ناز
اوشاقلیق دان بد بوغاز!
اونا هر نه وئرسه یدیم
هی دئیه ردی آزدی آز!
بالام گلیـــــر اویاندان
سوزو شیرین دی جاندان
شام ناهاری رانت اولوب
بالام دیش چیخارداندان
بالام وار آقــــــــازادا
عقلی وار بو هاوادا!
قیچ قویوب دزگاهلارا
ال سالیب اقتصادا!
aflak (Saturday 28 June 2008-1), gelecek bizimdir (Thursday 3 July 2008-1), yurd sevan (Tuesday 24 June 2008-1)
سوووووووووو پ!
برای مدیریت رستوران " تک ستاره"!
"تک ستاره" منه بیر بیر سوپ وئرمیشدی
چشمه لرین سویی کیمی دورویدی
"سوپ" کلمه سینه تای باخسایدین اونا
اوچ دن ایکی پایی خالص سویویدی!
لیوان لیوان(!) ایچدیق اونو ناهاردا
آخ نئینه مق قسمتی میز بویویدی!
gelecek bizimdir (Thursday 3 July 2008-1), yurd sevan (Tuesday 24 June 2008-1)
روز زن!
سويله دي آرواد: دي گوروم آي کيشي!
نمنه آلارســـــــــان منـــــه "آرواد گونو"؟
عرض ائله ديم کـــــه: آدي اوستونده دير
من سن اوچـــــون آللام آي آرواد ، گونو!!
aflak (Saturday 28 June 2008-1), gelecek bizimdir (Thursday 3 July 2008-1), yurd sevan (Tuesday 24 June 2008-1)
یانگوم بایاتی سی!
یانگـــوم! تئزول دو گتی!
قلبینـــــــه دارو گتی!
عطشین نـــــن اولوبدور
افسر مینه "سو" گتی!!
aflak (Saturday 28 June 2008-1), gelecek bizimdir (Thursday 3 July 2008-1), yurd sevan (Tuesday 24 June 2008-1)
مش قوربانعلی و چیلله گئجه سی!
چیلله گئجه سی یئتیشدی یولدان
فامیل توکولوبدی ســـــاغ و صولدان
مش قوربانعلی دوشوبدی قولـدان
دورد اللی یئییر جویــــز - میلاخ دان!
آرواد گـــــوز آغـــــاردیـری قیـــراخ دان!!
***
سئفرایه ائدیبدی حمله شئر تک
تئز تئز یی ییری انار و پشمک
آجیللره هی ووروبدو پاتک
بئش قابی بوشالدیب اوسته - اوسته
تکجه سئچیری باداملا پوسته !
***
چون سینی ایچینده گلدی قارپیز
قوربان دئدی : گل بو سمته آی قیز!
قَش قَش یئدی قارپیزی آمانسیــــز
هیچ کیمسه آلانمادی الین نن
قارپیز سویی آخدی سققلین نن!
***
مجلس صاحابی سوسوب، قالیب واه!
گاهدان گولوری: دئییر ماشاللاه!
قلبینده دئییر ولی : آی آللاه!-
دورد اللی بوجور یئمه خ نه ایشدی؟
واه واه بو کیشی نه گورمه میشدی!
***
بیر کیمسه یه وئرمیری ماجالی
تئز تئز سویور آلما -پرتقالی
تا که گؤرور ائو صاحاب بو حالی
هی چئینیری هیسله دیل دوداقین:
آی قارنی شیشه بوجور قوناقین!
***
ازبس یئدی ، دالبادال چای ایشدی
قارقیش اوخی مقصده یتیشدی
تیخماق اثرین ده قارنی شیشدی
بیردن بیره ناله سی اوجالــدی
مجلس صاحابی خطایه قالدی!
***
آرواد دئدی : ای وای اؤلدی قوربان!
دور ماشینی فوری یاندیر اوغلان!
تا کـــــــــــــه آپـــــاراق مطبّه الآن
یئردن اونو قووزادی قوناقلار
آلدی بئلینه اوغول به ناچار
***
ایستیردی چیخا اتاق دان اوغلان
ائتدی الینن اشاره قوربان
گوردو آتاسی دئییر یاواشدان:
اوچ -دؤرد تیکه حالوا اولسا خوشدی
معده م دیه سن بیر آزجا بوشدی!!
yurd sevan (Tuesday 24 June 2008-1)
یونلی نیگار!
عزيزيــــــــم داوار اتــــــــــي
گونـــــــده قالخير قيمتي
قسطي نان پولون وئرره م
بير کيلـــــــــــــو بيزه گتي!
گئــــــدين دئييـــــــن داوارا
منــــــي قويـــــــــدان آوارا
بـــــــو ايل گئنه دؤشه دیم
چؤره گـــــــــــی نن کاوارا!
سورو ایچــــــره گلی سن
دادلی سان ، یئمه لی سن
قوربان اولوم سسی ین
آخ نه گـــــؤزه ل مه لی سن!
عزیزی نم داوارســــــان
پوللـــــو لاریلا یــــــــارسان
سؤیله چؤلمه گی میزده
بو ایل یوخسان یا وارسان!
غصـــــه منه باب اولدی
دردیم بیــــــر کتاب اولدی
کابابین حسرتیـــــــن ده
اوره گیــــــم کاباب اولدی
عزیزیم ســــــن داواریم
منیم یونلی نیگـــــــــاریم!
اتین اوقــــــــــد باهادی
گؤیـــــــه چاتیب هاواریم!
سنی وورموشدوم شیشه
تئز تئز چکیـــــردیم دیشه
بیرده ن یوخــودان دوردوم
بیر من اؤلوم باخ ایشه!!
aflak (Saturday 28 June 2008-1), azarbayjan (Tuesday 19 August 2008-1), gelecek bizimdir (Thursday 3 July 2008-1), yurd sevan (Tuesday 24 June 2008-1)
جیناب کریمی مراغه ای دن گوزل بیر شعر
بعضی قیسمت لری حذف اولونوب
کامیل شکیلده ایسته سز ویدیو فایلینی بوردان دانلود ائدین
ویدئو فایل کریمی مراغه ای نین اوز سسینده
[Forumda Tapılan Linkleri təkcə üzvlərimiz Görə bilər. ]
دی بو فایل مخصوص برنامه ایستییر تا آچسین gp3
موبایلیزدا حتما آچار چون موبایل فرمتی دی
شعر کریمی مراغه ای
ساغلیغیمدا منی یاد ائت اخوی
من اولندن سورا جیرما یخوی
**
ساغلیغیمدا منی دیندیر دیلینن
گلمه ترحیمیمه تاج گولینن
**
ساغلیغیمدا الوئی چک باشیما
یاخما بیرنون زیلیغین باش داشیما
**
تا وارام اوزمه الیمدن الوئی
نه قرا گئی نه اوزاد سقلوئی
**
گوی یانیم من سنه سن ده منه یان
سن منه جان دئه دئیم من سنه جان
**
ساغلیغیمدا گولوئی بوینوما سال
گاه گاهی بو سینان گولومی آل
**
هچ گلیب قبریمه یاد ائتمه منی
باشیما چالما غلط فاتحنی
**
بابا سالیغدا منیم گول اوزیمه
مشتری ئول سوزیمه هم ئوزیمه
**
منی تشویق ائله دعوتلرینن
گولیمی شاد ائله خلعتلرینن
**
نه یالانان چپی قه قه لرینن
مرسی احسن یاشا به به لرینن
**
ائل گرک قیمت اشعاری بیله
نیه ایراندا گرک شاعر ئوله؟
**
صنعت شعری چکیب لر فسادا
دوشدی بازار فصاحت کسادا!
**
بیر غزل کی گلیر عشقیله باشا
کیم آلیر بیر غزلی بیر لواشا؟
**
سعدی حافظ باباطاهر خیام
سحرین ائتی ناهار ناهار سیز آخشام
**
گئیمدی اینینه قیمتلی قبا
سالمادی چینینه بیر تازه عبا!
**
شهریارین آدی دیللرده گزیر
تازا حیدر بابا اللرده گزیر!
**
بیر گیچیک ائوده گونون وردی باشا
قالدی بیر مانقالی بیر حوقا ماشا
**
ای خدا ور بیزه بیر عقل و شعور
شاعری ائیلمیاق زنده به گور!
(کریمی مراغه ای)
yurd sevan (Saturday 10 January 2009-1)
Bölmədə hüquqlarınız
Reply With Quote
