Mövzu: علی آقا واحد شعرلری Əli ağa vahid

بو تاپیک ده علی آقا واحیدین شعرلری یازیلاجاق

هر کسین کی علی آغا واحد دن شعری وار بوردا یازسین

کونلوم

گلوبدور تنگه ای ظالم ، ستمله قان اولان کونلوم

همیشه باغ وصلینده ، گولوب خندان اولان کونلوم

دوشوب مجنون کیمی ، صحرایه بیر لیلی فراقیندا

بوتون عاشقلر ایچره ، منبع عرفان اولان کونلوم

نه اولدو بیلمه دیم دوشدو ، جدا گولزار کویوندان

همیشه خوان وصلین بزمینه ، مهمان اولان کونلوم

کیمه بیلمم ، گئدیب اظهار قیلسین محنت عشقین

دؤنوبدور قانه هجرینده غمی پنهان اولان کونلوم

نه چاره ائیله سین ، بیلمم خلاص ائتسین اوزون غمدن

اسیر محنت و پا بسته هجران اولان کونلوم

اولورمی بیر زمان خرم ، یئتیشسه وصل جانانه

غم هجرینله افغانلار چکیب ، گریان اولان کونلوم

منم فرهاد ! عصرین سئودیگی { واحد } گوزللر دیر

اودور کی لاله داغین گؤستریر ، ویران اولان کونلوم

علی آقا واحد

دوشرسن

بیرگون گوزه لیم قبریمین اوستن اوتوشرسن

دردیندن اولن عاشیقینی باشه دوشرسن

ائتمز ملک اولسا بو قدر ناز و کریشمه

اینصافه یاخینلاش گوزلیم سنده بشرسن

نازیله گلر کن قدمین قوی گؤزوم اوسته

قویما قوری یئر اوستونه بیردن سوروشرسن

بیگانه ایله گزمه دئدیم قلبینه دگدی

جانان نه بیلیم سن بو قده ر دگمه دوشرسن

بیر سالمادین اوز عاشیقینی یادینه ظالیم

اغیاریله آمما گئدیب هر گون اوپوشرسن

ال چک منه ای دل دئمه زولفوندن او ماهین

بیر گون بو کمنده سن اوزونده ایلیشرسن

رحم ائیلمه دین (( واحید ه )) ظالیم دیریلیکده

اولدوکده مزاریمله گئدرسن گؤروشرسن


شاعیر : علی آغا واحد

بیز قالدیق

یئتیشدی غیر عاشیقلر ویصال یاره بیز قالدیق

خلایق چاره تاپدی دردینه بیچاره بیز قالدیق

هامی اؤز سئودیگی معشوقه سیله شادکام اولدو

یانان پروانه لر تک روز و شب اودلاره بیز قالدیق

رقیب بی مروت لر فرحناک اولدو عالمده

سئویب جانانی حسرت طره طراره بیز قالدیق

کئچیرتدیک تیر نازین سینه دن هر ماه رخسارین

گئنه بی مهر چیخدی طعنه اغیاره بیز قالدیق

محبت گولشنینده بیر گول اکدیک زحمتین چکدیک

صفاسین اؤزگه لر گؤردو جفای خاره بیز قالدیق

بوتون دیوانه لر واحید کمندین دن خلاص اولدو

گئنه او زولفه باغلی متصل آواره بیز قالدیق

علی آقا واحد

[Forumda Tapılan Linkleri təkcə üzvlərimiz Görə bilər. ]

شانه دولانسین


زولفونده نه لازیم ، گؤزلیم ، شانه دولانسین ؟

قویما او حرمخانه نی بیگانه دولانسین

عیب ایله مه ، کویوندا دولانسام گئجه گوندوز

شمعین گرک اطرافینه پروانه دولانسین

ساقی دولانیم باشینا مئی جامینی گزدیر

سرمست اولوم ، باشیما میخانه دولانسین

اول زولفه کونول وئرمه ، دییرلر منه ال چک

اونسوز نئجه بس بو دل دیوانه دولانسین

مجنون نه برابر منه صحرالره قاچدی

عشق اهلی اودور عرصه ده مردانه دولانسین

اغیار ایله اؤز یارینی همدم گؤرن عاشیق

دوشسون او گرک دشت و بیابانه دولانسین

سرخوش لیق ایله عؤمرونی صرف ائیله مه « واحید »

عارف اونا دییرلر کی ، حکیمانه دولانسین

شاعیر : علی آقا واحد

مقصود یئتیشمکسه اگر فضل و کماله

سعی ائتمه لییک علمیده دؤنسکده هلاله

هئچ یئرده ترقی ائله مز علمسیز اینسان

بی بهره اولور گر سو وئریلمزسه نهاله

حالین نظره آلمالی مظلوم جهانین

بی تربیه لیکدن یئتیشیب جهله ملاله

مظلوم جهان نفعینه جهد ائتمه لییک بیز

بو حالی فقط سالمالی هر لحظه خیاله

آزقینلارا گؤسترمه لییک راه حقیقت

دائم بونا دائر یازاق البته مقاله

ائتمز می کفایت ستمی ، جوری عدودن

ابنای زمان یئتمه ده دیر گونده زواله

جهد ائتمه لییک آزاده لیک اوغروندا همیشه

تبدیل ائلییک هجر غمین عیش وصاله

بیر آن فقرا صنفی گرک یاتمایا راحت

عبرتله فقط باخمالی کیفیت حاله

دوشمان چالیشیر ییخماقا احرار زمانی

هایدی اونا قارشی چیخالیم جنگ و جداله

علی آقا واحد

کونول وفاسیز اولان نازلی یاره یالوارما ،

نه اعتبار اونا ؟ بی اعتباره یالوارما !

داریخما یاخشی – یامان روزگاریمیز کئچه جک ،

بو بئش گون عومره گوره روزگارا یالوارما !

سنین ده بیر گون اولار نوبهارین ، ای بولبول ،

بو ذوق سوز ، بو صفا سیز بهاره یالوارما.

فقیره ، عاجزه ، مظلومه احترام ائیله ،

عدویه ، قان ایچنه ، ظولمکاره یالوارما !

وطن یولوندا اولوم مرد اوچون سعادت دیر،

حیات اوچون فله یئ – کج مداره یالوارما !

مخالف اهلینه باش ایمه ، سن ده منصور اول ،

((ان الحق )) اوسته چکیلسنده داره ، یالوارما !

نه اولدو دوولتی جمشید ، مولکئ ایسکندر ؟

نه تاجداره نه بیر شهریاره یالوارما !

اگر حیاتینی ،واحید ، خوش ائتمک ایستیرسن ،

نه گول جفاسینی چک ، نه ده خاره یالوارما.

hicran tərəfindən

کونول وفاسیز اولان نازلی یاره یالوارما ،

نه اعتبار اونا ؟ بی اعتباره یالوارما !

داریخما یاخشی – یامان روزگاریمیز کئچه جک ،

بو بئش گون عومره گوره روزگارا یالوارما !

سنین ده بیر گون اولار نوبهارین ، ای بولبول ،

بو ذوق سوز ، بو صفا سیز بهاره یالوارما.

فقیره ، عاجزه ، مظلومه احترام ائیله ،

عدویه ، قان ایچنه ، ظولمکاره یالوارما !

وطن یولوندا اولوم مرد اوچون سعادت دیر،

حیات اوچون فله یئ – کج مداره یالوارما !

مخالف اهلینه باش ایمه ، سن ده منصور اول ،

((ان الحق )) اوسته چکیلسنده داره ، یالوارما !

نه اولدو دوولتی جمشید ، مولکئ ایسکندر ؟

نه تاجداره نه بیر شهریاره یالوارما !

اگر حیاتینی ،واحید ، خوش ائتمک ایستیرسن ،

نه گول جفاسینی چک ، نه ده خاره یالوارما.

sagol hicran sizi bu gözəl şeirinən qormax məni çox sevindirdi

sizə uğurlar

Ey Gözəl Səni Hər Kəs Ki Sevib Bəxtəvər Oldu

Eşqində Bir Ancaq Mənim Omrum Hədər Oldu

Kim Sevdi Qara Zulfunu Ağ Günlərə Çıxdı

Tale Mənə Yar Olmadı Bir Dərdsər Oldu

Mən Ağladım Öz Halimə Biqanə Sevindi

Şükr Eylə Ki Mən Qaldim O Məndən Bətər Oldu

Koynunda Mənə Zülm Eləyəndən Biri Qalmib

Ahim Odu Yandırdı Hamı Dərbedər Oldu

Yıxmaqdı Məni Məqsədi Namərd Rəqibinən

Bar Vemə Məqsudu Butun Bi Səmər Oldu

Ev Yıxmaqı Qan Tokməgi Zən Etmə Hünər di

Hər Kim Vətənin Sevdi O Əhle Hünər Oldu

Vəhşiligə Namərdligə Nadanlığa Nifrət

İnsanlıqilə Omr Eləyən Bəxtəvər Oldu

Səndən Sora Vahid Ayıq Ol Qoy Deməsinlər

Dunyaya Gəlib Geddi Heyif Bi Xəbər Oldu

Nə Üçün Hüsnünə ey Gül Belə Məğrul Oldun?

Bi Vəfalıqda Bütün Aləmə Məşhur Oldun

Niyə Öz Aşiqini Bunca Nəzərdən Saldın?

Kimlər Öyrətdi Səni Ya Niyə Məcbur Oldun?

Bəslədim Zəhmətilə Ğunçə Zamanında Səni

Niyə Gül Tək Açılıb Ğeyrilə Məsrur Oldun?

Tutdun Əğyarilə Məni Dərd Oduna Yandırdın

Sənə Biqanə Olan Kəsərəlilə Cor Oldun

Özcələr Məclisini Gün Tək Işıqlandırdın

Bizə Yetdikcə Nə Tez Kən Belə Bi Nur Oldun?

Verdin Əğyarə Nişan Cumlə Gözəlliklərini

Zülfilə Vahidi Görcək Niyə Məstur Oldun