LinkBack URL
About LinkBacksبو تاپیکده نصرت کسمنلی نین شعرلری یازیلسین
آی دوسلار سیزده نصرت کسه منلی نین شعرلرین دن یازین
| Sabit Konular>>saytı yaxşı görmək üçün firefoxdan istifadə edin |
| Sabit Konular>>saytı yaxşı görmək üçün firefoxdan istifadə edin |
نصرت کسمنلی نین شعرلری
بو تاپیکده نصرت کسمنلی نین شعرلری یازیلسین
آی دوسلار سیزده نصرت کسه منلی نین شعرلرین دن یازین
azarbayjan (Wednesday 16 July 2008-1), gelecek bizimdir (Thursday 17 July 2008-1), yurd sevan (Thursday 17 July 2008-1)
گئتمک ايسته ييرسن بهانه سیز گئت
گئتمک ایسته ییرسن،
بهانه سیر گئت،
اویاتما مورگولو خاطیره لری،
سسین همین سس دیر،
باخیشین اؤگئی،
گئدیرسن،
سسین ده یاد اولسون باری...
سن دنیز قوینونا آتیلمیش چیچک،
اوستونه دالغالار آتیلاجاقدیر.
ساختا محبتین
ساختا سند تک
نه واختسا اوستونده توتولاجاقدیر.
دؤشه نیب یوللار تک آیاقلارینا
سنه یالواریم می...
بو مومکون دئییل!
قویمارام قلبیم تک ووقاریم سینا
آلچالیب یاشاماق عؤمور – گون دئییل.
دئمیرم سن اوجا بیر داغسان، اییل،
دئمیرم قالیبدیر علاجیم سنه.
نه سنده محبت قارا پول دئییل،
نه من دیلنچییم ال آچیم سنه...
گئتمک ایسته ییرسن...
او یول، او دا سن...
بیر جوت گؤز باخاجاق آرخانجا سنین.
گئتدین می...
نه واختسا دؤنمک ایسته سن
تیکانلی یاستیغا دؤنه جک یئرین.
گئتمک ایسته ییرسن....
نه دانیش، نه دین!
یوخ اول اوزاقلار تک دوماندا ، چنده...
نه ییمی سئومیشدین؟
دئییه بیلمه دین،
ایندی یوز عییب گؤزوزسن منده.
گئتمک ایسته ییرسن،
بهانه سیز گئت،
اویاتما مورگولو خاطیره لری.
سسین همین سس دیر،
باخیشین اؤگئی،
گئدیرسن،
سسین ده یاد اولسون باری...
gelecek bizimdir (Thursday 17 July 2008-1), yurd sevan (Thursday 17 July 2008-1)
من کي سن دئييلم…!
اونوتمادي گوزلهريني گوزلهريم
منيم گوزوم، سنين گوزون دئييل کي
او يئرلهري ناخيشلايير ايزلهريم
منيم ايزيم، سنين ايزين دئييل کي
يالانلارا اويرتمه ديم ديليمي
منيم ديليم، سنين ديلين دئييل کي
هر يئته نه اوزاتماديم اليمي
منيم اليم، سنين الين دئييل کي
اوچوب گئتدين، سازاق دوشدو کونلومه
منيم قلبيم، سنين قلبين دئييل کي
سن گولوش چون يارانيب سان، اينله مه
منيم غميم، سنين غمين دئييل کي
سن قارالتدين، من آغارتديم ساچيمي
منيم ساچيم، سنين ساچين دئييل کي
ائشيدنلر باغيشلايير سوچومو(۱)
منيم سوچوم، سنين سوچون دئييل کي
يئره دوشدو، اودلو سوزوم کوزردي
منيم سوزوم، سنين سوزون دئييل کي
قارشيلاشديق، ديل سوسدو، اوز قيزاردي
منيم اوزوم، سنين اوزون دئييل کي
سن يولونو دييشديردين بير سحر
منيم يولوم، سنين يولون دئييل کي
بو هيجرانا دوزه جه يم بير تهر
دوزه جه يم، هيجران اولوم دئييل کي…!
نصرت کسمنلی
۱.سوچ : گناه
azarbayjan (Wednesday 16 July 2008-1), gelecek bizimdir (Thursday 17 July 2008-1), yurd sevan (Thursday 17 July 2008-1)
آیریلیق
آیریلیق
دییه سن یولوموز آیریلدی بیزیم
اورک او اوول کی هوس ده دئییل
آیریلیق اوخویور ،ذ ایندی هر سؤزون
دینله سن سؤزوده ، من اؤزوم دییم
یورغون ، یولچولارا بنزدیم نه غم
یوللار آیاغیمدان ، توتوب ، سورونور
منزیلیم اوزاقدیر ، آستا گئدیرم
سنین سه ، منزیلین داها گؤرونور
افق دا نه یامان قیزاردی بئله
بلکه محبتین غروب چاغی دیر ؟
عومرومدن نئچه ایل وئرمیشم یئله
طالع ده بیر یاندان وئریب داغیدیر !
اوچوردوم گؤیلرین یئددی قاتیندا
آخان اولدوزلاری ، گؤیده توتوردوم
هر گئجه خیالین قانادلاریندا
گونشده یاتیردیم « آی » دا یاتیردیم
یوخ داها صبریم ده چاتیب ساحیله
گئتمه رم من « آی » یا اولدوزا کیمی
عشقیمی بیر دنیز آتیب ساحیله
ارییر داش اوسته ، مئدواز کیمی
نصرت کسمنلی
azarbayjan (Wednesday 16 July 2008-1), gelecek bizimdir (Thursday 17 July 2008-1), yurd sevan (Thursday 17 July 2008-1)
Bölmədə hüquqlarınız
Reply With Quote