Mövzu: Başqortstan väqilleğe Törqiyağä eş säfärenä qitte

Äleğe väqilleqqä Başqortstan Xöqümäte räise urınbasarı, mädäniyat häm mäğarif mäsäläläre öçen cavaplı Zöhrä Räxmätullina citäqçeleq itä.

Başqortstannıñ räsmi väqilleğe Törqiyağä yullandı. Äleğe väqilleqqä Başqortstan Xöqümäte räise urınbasarı, mädäniyat häm mäğarif mäsäläläre öçen cavaplı Zöhrä Räxmätullina citäqçeleq itä. Yaqtaşlarıbız Törqiyağä TYuRQSOY xalıqara oeşması çaqıruı belän qitte.

Başqortstan väqilleğeneñ Törqiyağä baruınıñ töp maqsatı – anda qüreneqle ğalim häm cämäğat eşleqlese Äxmätzäqi Välidi Tuğannıñ tuuına 120 el tuluğa bağışlanğan çaralarda qatnaşu. Bıelğı el TYuRQSOY tarafınnan Zäqi Välidi elı dip iğlan itelğän ide. Şuşı yubiley qısalarında Törqiyadä fänni-ğamäli qonferençiya dä oeştırıldı. Xäzer Anqarada ütüçe çaralar - şuşı yubiley çiqlärendäğe töp tantanalar. Anqaranıñ Qeçioren rayonında Başqortstan väqilleğe Zäqi Välidi isemendäğe yal baqçasın açuda qatnaşa häm törle oçraşularda bula. Ä qiçen Başqortstan sänğat ostalarınıñ zur qonçertı qürsäteläçäq.

[Forumda Tapılan Linkleri təkcə üzvlərimiz Görə bilər. ]